ავთანდილ აბდუშელიშვილი 2017 წლიდან დამოუკიდებელი საერო გიმნაზია „შავნაბადას“ დირექტორია. აქტიურად არის ჩართული განათლების სფეროში მიმდინარე პროცესებში, წლების მანძილზე მუშაობდა ზოგადსაგანმანათლებლო დაწესებულებათა ავტორიზაციის ექსპერტად და ასევე, ორგზის გახლდათ ამავე საბჭოს წევრი. არაერთხელ ყოფილა განათლების სფეროში შექმნილი სხვადასხვა კომისიისა თუ სამუშაო ჯგუფის წევრი.

ავთანდილი ფლობს განათლების სფეროს ხელმძღვანელობისა და მართვის სპეციალისტის მაგისტრის ხარისხს.

გია მურღულია საქართველოს სკოლის ადმინისტრატორთა ასოციაციის დამფუძნებელი და 2020 წლამდე გამგეობის თავმჯდომარეა. აქტიურად არის ჩართული განათლების სფეროში მიმდინარე პროცესებში, წლების მანძილზე გახლდათ სხვადასხვა ზოგადსაგანმანათლებლო დაწესებულებათა დირექტორი, ქართული ენისა და ლიტერატურის მასწავლებელი. საქართველოს პედაგოგთა კვალიფიკაციის ამაღლებისა და გადამზადების ცენტრალური ინსტიტუტის რექტორი, განათლებისა და სოციალურ საკითხთა კომისიის თავმჯდომარის მოადგილე.

გახლავთ თბილისის კერძო სკოლა „ლოგოსის“ დამფუძნებელი და დირექტორი. 2017 წლიდან დღემდე კი, სკოლის სამეცნიერო ხელმძღვანელია. 2016-2017 წლებში თბილისის კერძო სკოლა „ჰამილტონის“ დამფუძნებელი და დირექტორი.

გია მურღულია ფლობს თბილისის სახელმწიფო უნივერსიტეტის ფილოლოგიის მაგისტრის ხარისხს.

გიორგი ჩავლეიშვილი არის საერთაშორისო აკადემია „ლოგოსის“ თანადამფუძნებელი და აღმასრულებელი დირექტორი, საქართველოს ახალგაზრდული კალათბურთის ნაკრების ყოფილი წევრი. აქტიურად არის ჩართული განათლების სფეროში მიმდინარე პროცესებში, გახლავთ ამერიკულ-ქართული განათლების ცენტრის College Counseling-ის დამფუძნებელი და მომსახურების ხელმძღვანელი. 

გიორგი 2004 წლიდან ამერიკის შეერთებულ შტატებში St. Anne’s Belfield School-სა და Hamilton-ის კოლეჯში სრული დაფინანსებით სწავლობდა.

თამარ კაპანაძე 2014 წლიდან დღემდე თბილისის პირველი კლასიკური გიმნაზიის დირექტორია. აქტიურად არის ჩართული განათლების სფეროში მიმდინარე პროცესებში, წლების მანძილზე მუშაობდა განათლების სფეროში შექმნილი სხვადასხვა კომისიისა თუ სამუშაო ჯგუფის წევრად. გახლავთ მასწავლებელთა პროფესიული განვითარების ეროვნული ცენტრის „უწყვეტი პროფესიული განვითარების ტრენერი’’, „ათასწლეულების გამოწვევის ფონდი საქართველოს’’ ტრენინგ მოდულების ავტორი და სერტიფიცირებული ტრენერი, საქართველოს განათლების, მეცნიერების, კულტურისა და სპორტის სამინისტროს „ახალი სკოლის მოდელის’’ ლიდერობის საგანმანათლებლო ექსპერტი.

თამარი ფლობს ფსიქოლოგიისა და ეკონომისტის მაგისტრის ხარისხს და გახლავთ საჯარო მმართველობისა და პოლიტიკის სკოლის დოქტორანტი.

არჩილ სუმბაძე 2013 წლიდან „ბაქსვუდის საერთაშორისო სკოლა - თბილისის“ დირექტორია. აქტიურად არის ჩართული განათლების სფეროში მიმდინარე პროცესებში, წლების მანძილზე მუშაობდა ზოგადსაგანმანათლებლო დაწესებულებათა ავტორიზაციის საბჭოსა და განათლების სფეროში შექმნილი სხვადასხვა კომისიისა თუ სამუშაო ჯგუფის წევრად, მათ შორის საქართველოს გაეროს ასოციაციაში პროექტების განვითარებისა და მართვის მიმართულებით, ასევე, ილიას სახელმწიფო უნივერსიტეტში, პიტსბურგის (პენსილვანია) გლობალური გადაწყვეტილებების საგანმანათლებლო ფონდში. გახლავთ აშშ-ს საელჩოს, USAID-ისა და ესტონეთის მთავრობის საგრანტო პროგრამების არაერთგზის გამარჯვებული და საგანმანათლებლო ინიციატივების ხელმძღვანელი.

არჩილი ფლობს ტარტუს უნივერსიტეტის განათლების ტექნოლოგიების მაგისტრის ხარისხს.